«Увага, грамадзянам падрыхтавацца да высаджвання ў Новую Беларусь»
9- 23.10.2021, 21:03
- 22,894
Прышпіліце рамяні, наш карабель уваходзіць у зону турбулентнасці.
Пра гэта піша тэлеграм-канал «БАР»:
- Святло ў канцы тунэлю для Лукашэнкі патухла канчаткова і незваротна.
Ён кідаецца па сваім пакойчыку, абабітым лямцам, як пацук, які разумее, што ўжо не паспее выпіць проціяддзе. Сёння ён клянецца ў вечнай любові свайму суседу - заўтра яго падстаўляе пад абух. Таму гэта ўжо абрыдла. Сказаў, што грошай няма.
Вось і кідаецца перасядэнт-гістэрычка, не ведае што казаць, блытаецца ў сведчаннях, пераконвае паплечнікаў і найбліжэйшых здраднікаў, што ўсё яшчэ малады і поўны сіл. Ну-ну. Вядома.
Ягоная паніка перадаецца паветрана-кропельным шляхам усім астатнім прыслугачам. Ніхто не ведае, што яму рабіць і куды бегчы. Яшчэ крыху, і пастка замкнецца для ўсіх.
Калі мы застанёмся дома, у гульні Сінія пальцы зазнаюць паразу канчаткова і незваротна. Калі дагэтуль усё проста мераліся сіламі, выяўлялі трыванне і бясконцую чалавечнасць, сёння, як кажуць класікі вулічнай рамантыкі, «пазняк тузацца». Суседзі не прытуляць, а хутчэй саўгануць у цёмнай падваротні пры найбліжэйшай магчымасці.
Увага, краіна! Грамадзянам падрыхтавацца да высаджвання ў Новую Беларусь. Прышпіліце рамяні, наш карабель уваходзіць у зону турбулентнасці.
Страйку быць.