Пінжакі канцлеркі: Меркель расказала, якія палітычныя сігналы ўтрымліваў колер яе адзення

Палітык таксама паведаміла, што аддае сваю вопратку ў месцы збору рэчаў для тых, хто мае патрэбу.

Канцлерка Нямеччыны Ангела Меркель прызнала, што з колерам свайго адзення часам звязвала пэўныя палітычныя сігналы, і адзначыла, што для яе пасля сыходу з пасады кіраўніцы ўрада "пачынаецца новы час".

"Часам", – сказала Меркель у апублікаваным у суботу інтэрв'ю газеце Suddeutsche Zeitung, адказваючы на адпаведнае пытанне журналістаў (пераклад – ТАСС).

Яна зазначыла, што не збіраецца аддаваць сваю вопратку ў музеі. "Яе адвозяць у месцы збору патрыманага адзення для тых, хто мае патрэбу. Рэгулярна. Я не аддаю вопратку ў музей", – паведаміла Меркель.

Канцлерка таксама патлумачыла, чаму заўсёды пазбягала словазлучэння "міграцыйны крызіс". "Так, гэта дакладна. Я ў прынцыпе пазбягаю гэтага слова [у нямецкай мове гэта адно слова], паколькі бежанец для мяне – не крызіс, але чалавек", – падкрэсліла яна. Меркель паказала на тое, што, на яе думку, памылкі, учыненыя ў сувязі з плынню нелегальных мігрантаў, "былі зробленыя задоўга да восені 2015 года [піка міграцыйнага крызісу]".

"Было заўсёды ясна, што былі пункты, да якіх я не маю дачынення", – дадала Меркель, з імем якой часам звязваюць наплыў бежанцаў у ФРГ. "Усё, што я рабіла, я рабіла з разлікам таго, што было неабходна", – адзначыла яна.

Меркель панаракала, што "палітычны клімат у краіне стаў больш суровым". "Калі я стала канцлеркай, яшчэ не было смартфонаў. Facebook існаваў год, а Twitter быў створаны на годам пазней. Мы жывем у цалкам іншым медыйным свеце, і гэта [змяненне палітычнага клімату] таксама з гэтым звязанае", – мяркуе яна.

Як чакаецца, новы ўрад ФРГ будзе сфармаваны ў пачатку снежня. 26 кастрычніка прэзідэнт Нямеччыны Франк-Вальтэр Штайнмаер уручыць Меркель і чальцам яе кабінета міністраў граматы аб заканчэнні іх паўнамоцтваў.