Японія спыніла рэактар адной з АЭС
3- 24.10.2021, 16:37
- 2,344
Гэта адбылося праз чатыры месяцы пасля аднаўлення яго працы.
У японскай прэфектуры Фукуа наважылі спыніць рэактар атамнай электрастанцыі «Міхама». Гэта адбылося ўсяго праз чатыры месяцы пасля аднаўлення яго працы.
Пра гэта паведамляе японскае агенцтва Kyodo.
Як адзначае Kyodo, японская кампанія Kansai, якая кіруе электрастанцыяй, не змагла своечасова ўкараніць належныя антытэрарыстычныя захады. Прыпыненне працы рэактара адбылося раней за канчатковы тэрмін для выканання такіх захадаў.
Цяпер на рэактары АЭС пройдзе праверка па бяспецы, пасля якой кампанія павінна будзе ўнесці змены ў працу сваіх аб'ектаў і аднавіць працу выключанага рэактара.