У Падмаскоўі разбіўся лёгкаматорны самалёт

Самалёт упаў адразу пасля вылету з аэрадрому Ватуліна.

Лёгкаматорны самалёт "Аэропракт A-22" разбіўся ля аэраклуба "Аэракласіка" ў падмаскоўнай Рузе, піша РІА "Новості" са спасылкай на экстранныя службы. Загінулі два чалавекі, сказаў суразмоўца агенцтва. Пры гэтым МНС паведамляе толькі пра пацярпелых.

РЕН ТВ са спасылкай на крыніцу перадае, што пры падзенні самалёта загінуў пілот Юрый Самасалаў і жанчына, якая знаходзілася з ім у кабіне. Паводле звестак канала, самалёт упаў адразу пасля вылету з аэрадрому Ватуліна.

Следчыя распачалі крымінальную справу аб парушэнні правілаў бяспекі руху паветранага транспарту (ч.3 арт.263 КК РФ), паведамляе ТАСС. Крыніца агенцтва ў авіяцыйных службах сцвярджае, што папярэдняй прычынай краху лічыцца памылка пілатавання.