Андрэй Суздальцаў: Рэжым у ізаляцыі і ўваходзіць у разнос

Лукашэнка ў нявыкрутцы.

Расейскі палітолаг Андрэй Суздальцаў у сваім Telegram-канале выказаўся пра дачыненні паміж Крамлём і Лукашэнкам:

- Мяркуючы з напалу інфармацыйнай істэрыкі беларускіх СМІ на расейскі адрас, створаная ўлетку гэтага года і зацверджаная 9 верасня сістэма ўваходу Расеі і Беларусі ў «эканамічную інтэграцыю» пачала даваць збоі. У прынцыпе, і раней, г.зн. з лютага 2021, калі Лукашэнка раптам «успомніў» аб «дарожных мапах», якія пазней пераназвалі ў «саюзныя праграмы», не ўзнікала сумневаў, што беларускі дыктатар пастараецца, з аднаго боку, чарговым разам здзейсніць «саюзны кульбіт», калі замест таго , каб крок за крокам ісці да інтэграцыі, Менск будзе патрабаваць інтэграцыйныя авансы, што ён і рабіў апошнюю чвэрць стагоддзя. З іншага боку, Лукашэнка паспрабуе запусціць палітыку балансавання паміж Захадам і Расеяй, якая стала немагчымай пасля 23 траўня гэтага года (пасадка з дапамогай знішчальніка ў аэрапорце Менска еўрапейскага авіялайнера). Аднак, нічога не атрымліваецца...

Як усе апошнія месяцы Лукашэнка не выкручваўся, прымусіць Маскву зноў стаць бяздумным спонсарам РБ «проста так» не атрымалася. ПЗ нашых звестак, гэта выклікала ў беларускага правадыра вельмі негатыўную ацэнку Расеі і расейскага кіраўніцтва.

Замежнапалітычная ізаляцыя Беларусі не прарваная. Нягледзячы на тое, што ў цяпер усё ж такі маецца адна экспэртная пляцоўка «ЕЗ - Беларусь», якая працуе з беларускага боку пад кіраўніцтвам Макея і ў якой з беларускага боку бяруць удзел некаторыя добра вядомыя ў Беларусі адыёзныя экспэрты. Але далей абмеркаванне пазіцый бакоў справа не зрушылася.

Нявыкрутка, у якой апынуўся Лукашэнка, прымушае яго, вядома, нервавацца.

Сістэма ўвайшла ў разнос з нагоды, якая толькі ўскосна мае дачыненне да Расеі і расейска-беларускіх дачыненняў - перастрэлка 28 верасня 2021 года ў Менску на вуліцы Якубоўскага. На старце скандалу Лукашэнка абурыўся на рэакцыю расейскіх калег на беларускія спецслужбы за непрафесіяналізм брыгады з кувалдай. Следам пачаўся вадаспад абраз на адрас «Комсомольской правды в Беларуси» і кіраўніка выдавецкага холдынгу Сунгоркіна. Беларускія «экспэрты» запатрабавалі ад яго «паўзці на каленях» да Лукашэнкі і вымольваць прабачэння. Нагадаем, што галоўны рэдактар КП з'яўляецца адным з самых уплывовых прадстаўнікоў расейскага палітычнага класа і ўваходзіць у эліту Расеі.

Пасля вельмі цяжкіх абраз на адрас Сунгоркіна ўжо не выклікала здзіўлення атака на прадстаўнікоў расейскай экспэртнай супольнасці, якая была вельмі хлуслівай. Была зроблена спроба не зняпраўджваць ідэі і пункты, якія бароняць гэтыя расейскія грамадзяне, а білі менавіта па людзях у сталінскім фармаце, прыпісваючы ім самыя чорныя задумы. Іншымі словамі, трэба было абняславіць канкрэтных людзей, прычым у вачах расейскага кіраўніцтва (любоў да стукацтва ўсё ж дае пра сябе ведаць). Вось гэтая антырасейская хваля на «экспэртным узроўні» цікавая тым, што выкарыстоўвалася формула «Хто супраць Лукашэнкі, той супраць Пуціна». Іншымі словамі, што беларуская Хунта і «прыкарытныя» (тэрмін Лукашэнкі ад 09.08.2021) беларускія «экспэрты» спрабуюць схавацца за спіну ўжо не Лукашэнкі, а прэзідэнта Расеі...

Але як выявілася, і Пуцін спудлаваў, што і выявілася ў выступе беларускага журналіста Яўгена Пуставога.

У рамках перадачы беларускай тэлевізіі «Палітыка без гальштукаў і купюр» Пуставы параўнаў Лукашэнку і Пуціна, што, наогул рабіць не варта было. Занадта розныя краіны і розныя палітычныя сістэмы, не кажучы ўжо пра адказнасць за лёсы свету. Але замест цвярозай, хай і часткова прыцягнутага за вушы, «параўнання» ў беларускага журналіста атрымаўся набор абраз нават не на адрас расейскай палітыкі ў дачыненні да Беларусі (было б цікава паслухаць), а асобы расейскага прэзідэнта. Пасыпаліся абвінавачванні ў тым, што Пуцін «хаваецца ў бункеры», у выкарыстанні «ботэксу» і іншым.

Па-першае, няма сумневаў, што Пуставы ведаў, што казаў. Ну не поўны ж ён ідыёт, каб не разумець, што робіць. Больш за тое, няма сумневаў, што ён выконваў даручэнне.

Па-другое, не стамляешся здзіўляцца баязлівасці беларускага істэблішмэнту. Бо Пуставы сказаў менавіта тое, што думаюць пра прэзідэнта Расеі ў верхавіне беларускай улады. Але ўлада тут жа спалохалася за наступствы і «сябры» Пуставога кінуліся крычаць, што, высвятляецца, што Пуставы ледзь не самы першы прыхільнік саюзных дачыненняў з Расеяй і любіць Пуціна гарачай любоўю. Увогуле, гаўкнулі з-за рога і тут жа ўцякаць. Баязліўцы...