Гандлёвая сетка ў Вялікай Брытаніі наважыла бясплатна раздаваць прадукты за дзень да пратэрміноўкі
9- 25.10.2021, 16:27
- 5,108
У акцыі будуць удзельнічаць астуджаныя і свежыя прадукты, пірожныя, хлеб.
Гандлёвая сетка Iceland у Вялікай Брытаніі знайшла спосаб скараціць харчовыя адкіды. Прадукты харчавання ў апошні дзень іх прыдатнасці будуць даставацца пакупнікам бясплатна. Але такое правіла будзе дзейнічаць для тых, хто робіць пакупкі ў інтэрнэце, а не ў звычайных крамах.
Спачатку ініцыятыву «Бясплатна ў апошні дзень жыцця» апрабавалі ў 40 крамах, потым наважылі разгарнуць яе па ўсёй Вялікай Брытаніі, піша The Independent (пераклад - onliner.by).
У гэтай акцыі будуць удзельнічаць астуджаныя і свежыя прадукты, пірожныя, хлеб. Такім чынам сетка разлічвае раздаваць за 1,3 млн бясплатных прадуктаў на год.
Раней у сетцы Iceland прытрымліваліся палітыкі, што тэрмін прыдатнасці прадуктаў харчавання павінен складаць прынамсі два дні пасля продажу.
Цяпер, калі онлайн-кліент замаўляе тавар, у якога да заканчэння тэрміну прыдатнасці застаецца дзень або менш, яго папярэдзяць пра акцыю і кошт тавару аднімуць з агульнага чэка.