Афіцыйна: «Белавія» страціла тры новыя самалёты праз санкцыі
17- 26.10.2021, 15:56
- 12,996
Самалёты прадалі ці аддалі ў арэнду ў Казахстан.
Тры самалёты Embraer E195-E2 Belavia паляцелі ў Казахстан, паведамляе Telegram-канал NEXTA.
Кампанія больш не можа імі карыстацца, бо бразільскі вытворца праз санкцыі не перадае абноўленую базу звестак. Каб дарагія лайнеры не прастойвалі, іх прадалі (ці перадалі ў арэнду) казахстанскай авіякампаніі AirAstana.
Гэтыя самалёты былі найноўшымі ў парку Belavia. Іх даставілі ў Менск у канцы 2020 - пачатку 2021 года праз лізінгавую кампанію AerCap, калі вусаты тэрарыст яшчэ не зарабляў захопам грамадзянскіх лайнераў.
Дарэчы, страта трох самалётаў - не галоўная праблема Belavia. У студзені скончыцца дзеянне страховак на самалёты, без якіх яны не змогуць лятаць. А еўрапейскія страхавыя кампаніі не збіраюцца іх страхаваць праз тыя ж санкцыі.