Турысты з РФ масава адмаўляюцца ад адпачынку ў гатэлях акупаванага Крыма
17- 27.10.2021, 15:27
- 13,482
Замест гэтага расейцы выбіраюць адпачынак за мяжой.
Расейскія турысты пачалі адмаўляцца ад адпачынку ў гатэлях акупаванага Крыма пасля таго, як «улады» рэгіёна дазволілі гатэлям засяляць кліентаў толькі з адмоўным ПЛР-тэстам ці QR-кодам. Са слоў экспэртаў, людзі замест гатэля выбіраюць засяленне ў прыватным сектары або адпачынак за мяжой, піша sprotyv.info са спасылкай на расейскія СМІ.
Інфармацыю аб адмовах пацвердзілі работнікі гатэляў з розных гарадоў, у тым ліку гендырэктарка найбуйнейшага курортнага комплексу Феадосіі «Пунсовыя ветразі» Ганна Неразіна.
«Пасля ўкаранення QR-кодаў ужо можна зрабіць наступны прагноз. На рэзерваванне гатэляў паўплывае ў аб'ёме 15-20%, усё ж людзі, якія падарожнічаюць, да гэтай пастановы былі ўжо гатовыя, раней такія захады ўжо ўводзіў Краснадарскі край, напрыклад», - адзначыла яна.
З яе прагнозу, найбольшыя выдаткі мецьмуць установы, якія залежаць ад плыні гасцей з горада, - рэстарацыі, спа-цэнтры, спартзалы, крамы сувеніраў, канцэртныя касы.
«Па тэндэнцыях і рэакцыях гасцей ужо можна смела рабіць здагадку аб падзенні даходаў на 50-80%. Аднаўленне аб'ёму даходаў, на мой погляд, зойме мінімум тры месяцы», - удакладніла Неразіна.
Гендырэктар ялцінскага комплексу Mriya Resort&SPA Самвел Саруханян паведаміў, што пасля ўвядзення абавязковых QR-кодаў нагрузка кол-цэнтр вырасла на 150%, а загрузка гатэля знізілася таксама на 15-20%.
Прагназуецца, што сярэдняя загрузка афіцыйных сродкаў размяшчэння на лістападаўскіх святах складзе 25-30 адсоткаў.
Паводле інфармацыі так званага Міністэрства курортаў і турызму Крыма, цяпер сярэдняя загрузка санаторыяў складае 69%, гатэляў 5 зорак, якіх менш за ўсё, - 80%, 4 зорак - 68%, 3 зорак - 62%.