Навукоўцы назвалі карысную ўласцівасць холаду
3- 27.10.2021, 16:21
- 8,028
Цікавае даследаванне спецыялістаў са Швайцарыі.
Швайцарскія навукоўцы давялі, што холад здольны аблегчыць працяканне рассеянага склерозу. Адпаведны артыкул быў апублікаваны ў часопісе Cell Metabolism.
Адзначаецца, што шкодная актыўнасць імуннай сістэмы, якая ўплывае на развіццё рассеянага склерозу, аслабляецца ў халодных умовах.
«У неспрыяльным асяроддзі ахоўныя механізмы нашага арганізма марнуюць шмат энэргіі. Пры актывізацыі некалькіх механізмаў яны могуць быць абмежаваныя ўзаемным уплывам», - удакладніў вядучы аўтар працы, прафесар Жэнеўскага ўніверсітэта Мірка Трайкоўскі.
Такім чынам, з дапамогай холаду памяншаецца імунны адказ, а гэта, у сваю чаргу, палягчае плынь хваробы. Гіпотэзу пацвердзіў дослед, які быў пастаўлены на мышах, хворых на аналаг рассеянага склерозу. Навукоўцы паступова паніжалі тэмпературу ў клетках да дзясяці градусаў Цэльсія.
Адзін з даследнікаў, прафесар Жэнеўскага ўніверсітэта Доран Мерклер, распавёў, што праз некалькі дзён пасля пачатку выпрабавання хвароба ў мышэй стала працякаць лягчэй.