Прадаўжаецца аўкцыён для продажу легендарнага сцяга, паднятага мэрам Рыгі на ЧС у хакеі

Сродкі ад продажу пойдуць на дапамогу беларусам.

Дабрачынны аўкцыён, на які выстаўлены БЧБ-сцяг, узняты ў Рызе падчас ЧС у хакеі, прадаўжаецца, паведамляе «Еўрарадыё». На сёння лот каштуе амаль 5 тысяч даляраў.

Сродкі ад продажу пойдуць на дапамогу рэпрэсаваным беларусам.

Нагадаем, мэр Рыгі Марціньш Стакіс і кіраўнік МЗС Латвіі Эдгарс Рынкевічс замянілі дзяржаўны сцяг Беларусі на бел-чырвона-белы з гербам «Пагоня» ў траўні 2021 года.

Стакіс патлумачыў свой учынак тым, што «сцяг, які сімвалізуе рэжым, што ажыццяўляе дзяржаўны тэрарызм, не да месца ў гарадскім асяроддзі Рыгі — таму мы яго знялі». Праз гэта ў дачыненні да Стакіса і Рынкевічса ў Беларусі распачалі крымінальную справу за распальванне нацыянальнай варожасці.