Дыетолаг назвала найлепшы нізкакаларыйны сняданак
1- 27.10.2021, 20:32
- 8,978
Гэты сняданак - першакласная ежа для пахудзення.
Амерыканская дыетолаг Ларэн Манакер склала самы карысны і нізкакаларыйны сняданак са змяшчэннем бялку. Аб гэтым піша ТСН.
"Яйкі з'яўляюцца класічнай ежай для сняданку нездарма: гэта дыетычны і пажыўны прадукт, які дасць вам натуральны ладунак карысных рэчываў", - адзначыла дыетолаг.
Паводле ейных слоў, найбольшая колькасць пажыўных рэчываў змяшчаецца ў бялку. А адно яйка валодае 70 калорыямі.
Таксама ў яйках ёсць вітаміны і мінералы, якія мацуюць каморкі. Яны змяшчаюць добрыя тлушчы і шэсць грам бялку, які аднаўляе і нарошчвае цягліцы.
У яйках няма цукру і вугляводаў. Таму яны першакласная ежа для пахудзення.
А яшчэ - яны спрыяюць насычэнню.
"Аўстралійскае даследаванне 2020 года, дзе людзям з лішняй вагой і атлусценнем давалі адзін з двух сняданкаў: яйкі і тосты або шматкі з малаком і апельсінавым сокам, на працягу двух дзён з прамежкам у тыдзень, пацвярджае гэта. А вось тыя, хто снедаў пераважна вугляводамі, ужо марылі аб падмацаванні", - падкрэсліла Манакер.
Таксама яна дадала, што гэта адна з найлепшых крыніц рэчываў для здароўя мозгу.