28 сакавiка 2024, Чацвер, 11:35
Падтрымайце
сайт
Сім сім,
Хартыя 97!
Рубрыкі

У Менску затрымалі пяць крыптавалютчыкаў: іх абвінавачваюць у «фінансаванні пратэстаў»

6
У Менску затрымалі пяць крыптавалютчыкаў: іх абвінавачваюць у «фінансаванні пратэстаў»

ДФР агучыў дзіўную інфармацыю.

Паводле інфармацыі прэс-службы КДК, дзейнасць жыхароў Менска і Еўразвяза па абмене крыптавалют была выяўленая і спыненая Дэпартаментам фінансавых расследаванняў.

Сцвярджаецца, што яны выкарыстоўвалі спецыяльна створаны рэсурс, праз які куплялася і прадавалася крыптавалюта, а разлік за яе праводзіўся пераважна наяўнымі, перадае «Радыё Рацыя».

Таксама ў прэс-рэлізе гаворыцца, што работа ў абменніку вялася ананімна і была запатрабаваная «беларускімі суб’ектамі ценявой эканомікі».

У КДК заяўляюць, што такім чынам у мінулым і бягучым годзе з-за мяжы на пастаяннай аснове пераводзіліся грошы фондам, праваабарончым цэнтрам і НКА, якія нібыта падтрымлівалі пратэсты.

Паведамляецца, што ўдзельнікі «падазроных пераводаў» былі вызначаныя.

Сцвярджаецца, што грамадзяне, фонды і арганізацыі, якія атрымлівалі грошы праз крыптаабменнік, таксама вызначаны.

Напісаць каментар 6

Таксама сачыце за акаўнтамі Charter97.org у сацыяльных сетках