29 лiстапада 2021, панядзелак, 2:10
Сім сім, Хартыя 97!
Рубрыкі

«Птушка запомніць і будзе помсціць»: у Гародні вароны нападаюць на мінакоў

16
«Птушка запомніць і будзе помсціць»: у Гародні вароны нападаюць на мінакоў
ІЛЮСТРАЦЫЙНАЕ ФОТА

Чаму напады адбываюцца ўвосень, сказаць цяжка.

У Гародні на людзей пачалі нападаць вароны. Адзін выпадак адбыўся каля СШ №22: птушка падляцела да жанчыны ззаду і ўдарыла дзюбай у галаву. Гараджанка звярталася да медыкаў, піша Hrodna.life.

«Вясной вароны могуць напасці, бо абараняюць птушанят. Чаму напады адбываюцца ўвосень, сказаць цяжка. Вароны — самыя разумныя з птушак. Калі варона палічыць, што чалавек ёй зрабіў нешта дрэннае, то запомніць рысы твару або нейкія асаблівасці — і пры наступнай сустрэчы можа напасці і адпомсціць», - падзяліўся здагадкай арнітолаг Дзмітрый Вінчэўскі.

Камунальнікам дазволена з 1 верасня да 15 лютага знішчаць пустыя гнёзды варонаў. У Гародні гэта робяць у месцах вялікай колькасці птушак, дзе і адзначаюцца выпадкі іх нападу на людзей. Але, на думку арнітолага, такая барацьба бессэнсоўная: «Яны трымаюцца сваіх участкаў. І калі ўвосень знішчыць гняздо, птушка вернецца і пабудуе новае. Гэта ілюзія, што чалавек мацнейшы».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».