На польска-беларускай мяжы адбыўся выбух
10- 28.10.2021, 18:49
- 26,438
Адзін чалавек быў паранены.
На памежным пераходзе ў Кузніцы на мяжы з Беларуссю адбыўся выбух у каналізацыі будынка тэхагляду, паведамляе партал Remiza.pl.
Аўтамабіль усярэдзіне загарэўся. Адзін чалавек быў паранены.
Як паведаміў парталу Onet прадстаўнік Дзяржаўнай супрацьпажарнай службы Сакольскага павета, на пераходзе ў Кузніцы адбывалася тушэнне пажару. Падрабязнасці ён не агучыў.
«Цяпер дзейнічае надзвычайнае становішча, таму каментаваць гэту сітуацыю можа толькі памежная служба», - сказаў ён.
Самі памежнікі яе каментуюць вельмі стрымана. Прэс-сакратарка Падляскага памежнага аддзела ў Беластоку Катажына Здановіч паведаміла, што выбух адбыўся ў будынку Мытнай службы, і просіць журналістаў звяртацца туды.