The Economist: Еўропа можа знайсці замену расейскаму газу
4- 28.10.2021, 19:16
- 7,506
Еўропа можа замяніць частку расейскага газу азербайджанскім і ізраільскім.
Поўная адмова ад расейскага газу - занадта амбіцыйная мэта для Еўропы нават у доўгатэрміновай перспектыве, піша The Economist. Аднак магчымасць замяніць частку паставак і ўстараніць манаполію Расеі ў некаторых краінах ёсць.
Так, 33 працэнты попыту ў Балгарыі ў перспектыве можна будзе задаволіць пастаўкамі газу з Азербайджана. Гаворка ідзе пра Паўднёвы газавы калідор — зараз прапанаваныя магутнасці дазваляюць транспартаваць амаль 10 мільярдаў кубаметраў газу за год. Плануецца таксама пабудова трубаправода з Ізраіля даўжынёй амаль 2000 кіламетраў, што можа забяспечыць яшчэ амаль 20 мільярдаў кубаметраў за год. У апошнія гады Еўропа нарошчвала імпарт амерыканскага звадкаванага прыроднага газу (ЗПГ), аднак ён не можа служыць заменай расейскаму з пункту гледжання кошту.
Аднак калі дадаць да названых крыніц альтэрнатыўную энэргетыку, напрыклад, атамную, то ў Еўропы з'явіцца магчымасць больш сур'ёзна змяніць структуру паставак.