Работнік завода звярнуўся да калег з іншых прадпрыемстваў
- 29.10.2021, 16:35
- 5,196
Успомніце ў сваім жыцці момант, калі вы надумалі змагацца, не гледзячы ні на што, і перамаглі.
Работнік аднаго з прадпрыемстваў папрасіў тэлеграм-канал «БАР» перадаць ягоныя словы беларусам:
- Суграмадзяне, мілыя, дарагія! Ведаю - цяжка нам зараз усім. Каранавірус да зямлі цісне і хунта не дрэмле. Ці будзе лепш? Ці павыміраем, як маманты?
Паспрабуйце ж знайсці ці ўспомніць у сваім жыцці момант, калі вы надумалі змагацца, не гледзячы ні на што, і ў выніку - перамаглі! Разумееце, напраўду нашым пастановам падпарадкоўваецца значна больш рэчаў, чым мы звыклі думаць.
Цяпер ёсць шмат людзей, якія пратэставалі, а зараз гэтага не робяць. З імі адбылася вельмі цікавая рэч. Яны паступова назапашвалі ў сваіх мазгах уздзеянне рэжыму, а потым кожны дайшоў да свайго "парога" і вырашыў перастаць супраціўляцца. Але разынка ў тым, што людзі могуць касаваць свае пастановы. Проста трэба добра ўспомніць момант, калі вы гэта зрабілі, абставіны і думкі, якія вас падштурхнулі да яе. Затым можна прыняць іншую пастанову - проста супрацьлеглую!
Пытанне "ці будзе страйк" напраўду зводзіцца толькі да таго, ці гатовыя вы супраціўляцца.