17 студзеня 2022, панядзелак, 21:51
Сім сім, Хартыя 97!
Рубрыкі

Для беларускіх кіроўцаў рыхтуюць чарговы «сюрпрыз»

24
Для беларускіх кіроўцаў рыхтуюць чарговы «сюрпрыз»

Ён датычыцца тэхагляду.

У Беларусі наяўнасць тэхагляду будуць кантраляваць з дапамогай камер на дарогах. Прадаўжаецца актыўная праца для распрацоўкі адпаведнага праекту, піша myfin.by.

«Плануецца ўсё ж запусціць сістэму тэхнічнага кантролю наяўнасці дазволаў, гэта так званыя камеры. Гэты працэс запушчаны, ідзе, і я думаю, што неўзабаве гэта ўжо будзе ажыццяўляцца», - паведаміў начальнік філіяла «Белтэхагляду» ў Гарадзенскай вобласці Алег Радзікевіч.

Акрамя гэтага, з 15 лістапада ўзмацняюцца патрабаванні да станцый дыягностыкі. У адпаведнасці з законам аб абароне персанальных звестак усе асабовыя звесткі аб кіроўцах і тэхагляд МС пры перадачы ў агульную інфармацыйную базу будуць кадзіравацца.

Плануецца таксама адмовіцца ад папяровых дазволаў на допуск транспартных сродкаў да ўдзелу ў дарожным руху. Уся інфармацыя аб пройдзеным тэхаглядзе будзе захоўвацца ў электронным выглядзе.

Не зменіцца тое, што за адсутнасць дазволу прадугледжаны папярэджанні або штраф у суме да 3 базавых адзінак (цяпер адна базавая складае 29 рублёў).

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».