Таракан даў дзіўнае тлумачэнне падатку на кватэры

Дыктатар трызніць збіраннем «па даляру з кожнага чалавека».

Таракан 29 кастрычніка наведваў Добрушскую папяровую фабрыку «Герой працы», паведамляе ягоная прэс-служба. У час размовы з супрацоўнікамі прадпрыемства, адзін з іх задаў пытанне аб скасаванні падатковай ільготы для ўладальнікаў кватэр.

Таракан адказаў, што цяпер адпаведнае пытанне разглядаецца ва ўрадзе. Ён растлумачыў, што падаткі змяняюцца, бо «прадстаўнікі бізнэсу ў свой час скардзіліся на складанае падатковае заканадаўства».

«І я даручыў ва ўрадзе, каб вярнуліся да гэтых пытанняў і зрабілі простае падатковае заканадаўства. Яно зусім простым не будзе. На тое і падаткі, і трэба быць эканамістам і бухгалтарам для таго, каб гэта ўсё вылічваць. Але там, дзе можна спрасціць, трэба спрасціць. Паглядзець іншыя накірункі, дзесьці падшліфаваць», - сказаў Лукашэнка.

З ягоных слоў, у тым ліку абмяркоўвалася пытанне падаткаабкладання нерухомасці.

«На сяле ў нас плацяць і за зямлю падатак, нерухомасць і іншае. А горад неяк застаўся ўбаку», - адзначыў ён.

Лукашэнка прывёў яшчэ адзін довад, чаму ў краіне ўзяліся за падаткі: «Справа нават не ў справядлівасці. На канец года 2 млрд непрадбачаных выдаткаў. У нас жа бясплатная вакцынацыя, бясплатнае лячэнне ад ковід. Гэта вялікія грошы».

Пры гэтым ён разлічыў, што калі з кожнага жыхара Беларусі сабраць па даляру падатку, то гэта будзе толькі 9,5 млн даляраў.

«Па вялікім рахунку гэта нішто, калі мы 2 млрд даляраў выдаткуем толькі на лячэнне, але за гэтыя 9,5 млн мы нешта можам набыць», – заўважыў ён.

Нагадаем, з 2022 года чыноўнікі плануюць спаганяць падатак за першую кватэру (цяпер яго плацяць за другую і наступныя). Гэты збор маюць намер устанавіць на ўзроўні 0,1% ад разліковага кошту аднаго квадратнага метра жылля. У Мінфіне прагназуюць, што сярэдняя сума падатку ў Менску будзе на ўзроўні 50 рублёў за год, у рэгіёнах — блізу 25 рублёў. Гэта разлікі для стандартнай кватэры.