У Расеі выявілі пяць выпадкаў новага варыянту каранавіруса AY.4.2
- 29.10.2021, 21:07
- 6,076
Новы штам можа распаўсюджвацца на 10-15% хутчэй, чым папярэдняя версія «дэльты».
Навукоўцы выявілі ў Расеі 5 выпадкаў новага віду каранавіруса AY.4.2, тры з іх выяўлены ў Маскве і вобласці, два – у Татарстане, піша ТАСС.
«На гэты момант у РФ выяўлены 5 ізалятаў новага каранавіруса, якія належаць да сублініі штаму дэльта AY.4.2, і маюць усе значныя генетычныя адрозненні», – паведаміў журналістам кіраўнік навуковай групы распрацоўкі новых метадаў дыягностыкі захворванняў чалавека ЦНДІ эпідэміялогіі Расспажыўнагляду Каміль Хафізаў.
Варыянт AY.4.2 быў знойдзены ў Вялікабрытаніі. Паводле брытанскіх навукоўцаў, ён з'яўляецца адным з 45 падвідаў штаму «дэльта». У інстытуце генетыкі пры Універсітэцкім каледжы Лондана Франсуа Балу выказалі здагадку, што новы штам можа распаўсюджвацца на 10-15% хутчэй, чым папярэдняя версія «дэльты».
За апошнія дні ў Расеі выяўлена 39 849 выпадкаў заражэння каранавірусам, памерлі 1163 чалавекі. Гэта новыя максімумы заражэння і дзённай смяротнасці.