У Нямеччыне знайшлі 30 мігрантаў, якія прыбылі ў краіну праз Беларусь у фургоне

Кіроўца фургона збег.

Паліцыя Нямеччыны знайшла 30 мігрантаў, якія прыбылі ў краіну ў невялікім фургоне, паведамляе DW.

Кіроўца фургона - 42-гадовы турак збег, ён аб'яўлены ў вышук. Адзначаецца, што мігранты прыбылі ў краіну праз Беларусь.

Акрамя таго, 29 кастрычніка непадалёку ад мяжы Польшчы і Чэхіі (камуна Шопсталь) паліцыя Нямеччыны выявіла труп мігранта. DW піша, што 32-гадовы грамадзянін Ірака памёр некалькімі гадзінамі раней, акалічнасці яго смерці высвятляюцца.