На Мальце робяць ходнік з сонечных панэляў
- 4.10.2021, 11:06
- 2,438
Панэлі будзе сілкаваць размешчаныя паблізу ліхтары і светлафоры, а таксама гарадскі WiFi.
У горадзе Рабат на Мальце пачалі выкладваць ходнік з сонечных панэляў. 40 панэляў, уманцтажаваныя ў дарожку, будуць карміць размешчаныя паблізу ліхтары і светлафоры, а таксама гарадскі WiFi, піша «Еўра пульс».
Ходнік зойме плошчу на 40 квадратных метраў. Ён будзе размешчаны недалёка ад цэнтра горада на набярэжнай Герыхем.
#Today @InfraMalta started installing #Malta's first solar pavement at new Gheriexem Road promenade, #Rabat. Using #renewableenergy to energise the promenade's lighting. More importantly, a pilot project for more solar pavements in other localities soon. @followianborg @MaltaGov pic.twitter.com/S9sT4Jhplu
— Fredrick Azzopardi (@F_Azzopardi) September 25, 2021
Нягледзячы на тое, што такі ходнік разлічаны на пешаходаў і веласіпедыстаў, убудаваныя сонечныя панэлі змогуць вытрымліваць і большую вагу. Для гэтага іх накрыюць празрыстай і звышмоцнай сумессю са смалы і палімераў. Так яны не зламаюцца нават калі на іх выпадкова наедзе грузавік.
Закладваць «сонечны» ходнік пачалі ў канцы верасня, а прайсціся па ім можна будзе ўжо ў пачатку гэтага месяца.
Гэтым летам вытворчасць сонечнай энэргіі ў Еўрапейскім Звязе дасягнула рэкорднай адзнакі на 10% ад агульнай выпрацоўкі энэргіі.
