Матэвуш Маравецкі: Абараняючы польскую мяжу, мы абараняем усю Еўропу

Наступным крокам можа стаць запуск 4-га артыкула дамовы NАТО.

Аб сітуацыі на польска-беларускай мяжы і выкарыстанні беларускімі службамі мігрантаў для шантажу краін ЕЗ расказаў прэм'ер-міністр Польшчы Матэвуш Маравецкі ў інтэрв'ю, якое ён даў нямецкай газеце Bild.

Прэм'ер-міністр падкрэсліў, што, нягледзячы на беспарадкі і шматлікія спробы фарсавання мяжы, у выніку якіх былі параненыя больш за дзясятак польскіх афіцэраў, сітуацыя на мяжы застаецца пад кантролем, нягледзячы на тое, што яна "робіцца ўсё больш пагрозлівай".

“Мігранты выкарыстоўваюць Беларусь у якасці зброі. І мэта - Нямеччына, Францыя, Галандыя. Таму, абараняючы польскую мяжу, мы абараняем усю Еўропу”, - растлумачыў прэм'ер-міністр Польшчы. Ён выказаў надзею, што, нягледзячы на шэраг відавочных правакацый з боку беларускіх спецслужбаў, яны не пойдуць "занадта далёка". Палітык адзначыў, што цяпер на нашай усходняй мяжы Польшчы знаходзіцца больш за 15 тысяч жаўнераў, памежнікаў і паліцыі.

Прэм'ер-міністр Матэвуш Маравецкі дакладна адзначыў, што "мы, палякі, поўныя рашучасці ўсімі спосабамі абараніць нашу мяжу, якая з'яўляецца адначасова ўсходняй мяжой Еўропы і NАТО".

"Абарона межаў важная, бо калі мы не зможам спыніць тысячы мігрантаў цяпер, то хутка яшчэ сотні тысяч або мільёны будуць накіроўвацца з Афрыкі або Блізкага Усходу ў Еўропу, і асабліва ў Нямеччуну", — заявіў Матэвуш Маравецкі.

“У Нямеччыне пражывае больш за 80 мільёнаў чалавек. Вы дазволіце прыбыць яшчэ 50 мільёнам? Я думаю, што людзі ў Нямеччыне не будуць задаволеныя гэтым, таму што яны хочуць захаваць свой узровень жыцця. Яны таксама хочуць захаваць сваю культуру”, — адзначыў прэм'ер-міністр Матэвуш Маравецкі.

Прэм'ер дадаў, што ён рады польскай падтрымцы з боку лідараў краін NАТО, у тым ліку цяперашняй канцлеркі Ангелы Мэркель і яе пераемніка Олафа Шольца. Наступным крокам можа быць смелая дэкларацыя суседзяў Беларусі: Польшчы, Літвы, Латвіі. А чарговым крокам можа стаць запуск 4-га артыкула дамовы NАТО. Як адзначыў кіраўнік польскага ўрада: калі справа тычыцца патэнцыйных пагроз з боку Беларусі і Расеі, то "нельга нічога выключаць".

Прэм'ер-міністр Матэвуш Маравецкі запэўніў, што польскі прыклад паказвае, што суверэнная дзяржава можа і павінна паспяхова абараняць свае межы. "Тое ж самае тычыцца Еўропы: мы павінны зрабіць усё магчымае, каб абараніць нашы межы ў Міжземным моры і на ўсходзе ад іміграцыі", - дадаў ён і падкрэсліў, што "для адбіцця атак неабходны ўсе меры абароны і нагляду".

Адказваючы на пытанне Bild аб палітыцы ўцекачоў Мэркель у 2015 годзе, прэм'ер-міністр Польшчы пацвердзіў, што яна абсалютна хібная. Прынятая тады палітыка “пагражала суверэнітэту многіх еўрапейскіх дзяржаў і стварала штучны мультыкультуралізм. "Яна была небяспечная для Еўропы і свету", - падкрэсліў палітык.

Ён таксама пракаментаваў навіну аб тэлефонных перамовах Мэркель з Лукашэнкам. “Для мяне зразумела адно: у гэтым крызісе нельга прымаць пастановы над нашымі галовамі. Але калі размова ішла аб тым, як мігранты з Беларусі павінны быць вернуты ў свае краіны, то кожная ініцыятыва ў гэтым кірунку адпавядае інтарэсам польскага народа”, — заявіў Матэвуш Маравецкі.