Як Лукашэнка падставіў Пуціна
24- TELEGRAM-КАНАЛ "CYNIC"
- 22.11.2021, 16:57
- 94,966
Кейс з мігрантамі яшчэ павінен праявіць сябе зімой.
Пацвярджаецца інфармацыя, што праблему з мігрантамі спрабуюць развязаць выключна праз Пуціна. Ціск на Лукашэнку дае адваротны эфект.
Міністр замежных спраў Францыі Жан-Іў Ле Дрыян падкрэсліў у эфіры канала LCI, што Уладзімір Пуцін паабяцаў Эмануэлю Макрону ўмяшацца ў сітуацыю на мяжы Беларусі і Польшчы. Ле Дрыян спадзяецца, што Пуцін гэта сапраўды зрабіў.
І ён відавочна не памыляецца: усе мігранты перамясціліся ў лагістычны цэнтр менавіта пасля тэлефоннай размовы Пуціна і Лукашэнкі. Са слоў Ле Дрыяна вынікае, што Парыж з Лукашэнкам размаўляць не збіраецца, а будзе і далей дзейнічаць праз Маскву.
Напраўду, такі фінт гуляе не зусім на карысць расейскай стратэгіі:
1) Пуцін падкрэслівае, што крызіс рукатворны, а не стыхійны, бо яго можна развязаць адным званком з Францыі, а потым званком з Сочы ў Менск.
2) Пуцін, увесь час імкнучыся пераводзіць стрэлкі на Лукашэнку, даводзіць, што гэта не мае ніякага сэнсу, бо пасля “званка Мэркель” ажыццяўляецца прарыў, а не планаванае зацішша. А гэта значыць, што трэба дамаўляцца не з Лукашэнкам, а праз Маскву ціснуць на Менск. У якасці плана легітымізацыі - гэта крах.
3) Пуцін не фармуе жаданую “дыялогавую пляцоўку”, бо ён, фактычна, з'яўляецца “пасярэднікам для дыялогу”, але з другога боку кантакт немагчымы - другі бок ідзе на абвастрэнне да таго часу, пакуль “дыялогавая пляцоўка” не ідзе на ультыматум, пагражаючы Лукашэнку. Такім чынам, прынцып “нейтральнасці” трэцяга боку (Масквы) не выконваецца, а бок Лукашэнкі зусім неадэкватны і не гатовы да дыялогу.
4) Пуцін падкрэслівае, што мае ўплыў на Лукашэнку, хаця ўвесь папярэдні этап казаў адваротнае. Гэта сведчыць аб тым, што ў рамках заходне-расейскіх дамоўленасцяў фраза "А ён сам дае рады, без нас, а мы нічога зрабіць не можам" больш не рэлевантная. У сваю чаргу, гэта азначае, што “беларускую ўгоду” давядзецца не перадаваць у «волю выпадку», а развязаць кампрамісным чынам.
5) Пуцін паказвае сваю зацікаўленасць у самой мігранцкай сцежцы, таму што “адскок” быў ажыццёўлены толькі пасля таго, як план быў ганебна разгромлены зладжанымі дзеяннямі Польшчы. Толькі тады, калі сталі відавочныя бесперспектыўнасць эскалацыі і нікчэмнасць шанцаў на "міратворчыя базы", кейс быў больш-менш развязаны.
Але Лукашэнка цяпер публічна дэклараваў сыход Пуціна ў цень, адначасна мэтанакіравана падсвятляючы яго пражэктарам. Ды да таго ж ён не можа гарантаваць поўнае вяртанне мігрантаў на радзіму. А гэта азначае, што на зіму з беларусамі застануцца прадстаўнікі Усходу без прытулку, ежы, вады і адзення.
Па-першае, Лукашэнка здаў назад перад сілавікамі, якіх інструктавалі ў кантэксце працы з турыстамі.
Па-другое, ён падставіў Пуціна, падкрэсліўшы яго галоўную ролю ў аперацыі.
Па-трэцяе, ён зрабіў далейшы дыялог паміж Менскам і Захадам поўнасцю бессэнсоўным, сарваўшы легітымізацыю.
Па-чацвёртае, кейс з мігрантамі яшчэ павінен праявіць сябе зімой. Магчымыя рабаванні і г.д. Нас чакае шмат цікавага.
Telegram-канал "CYNIC"