Прэм'ер Польшчы назваў будучы ход «на шахматнай дошцы» міграцыйнага крызісу

Рэжым Лукашэнкі пачне прывозіць афганцаў на польскую мяжу.

Паколькі пералёты мігрантаў у Беларусь з краін Блізкага Усходу спыніліся, беларускія ўлады пачнуць прывозіць на польскую мяжу мігрантаў з Афганістана. Такую асцярогу выказаў прэм'ер-міністр Польшчы Матэвуш Маравецкі.

Са слоў палітыка, прывоз мігрантаў з Ірака - гэта закрыты шлях. Таму, як сцвярджае прэм'ер, запрашэнне ў Беларусь афганцаў - «адзін з будучых хадоў на шахматнай дошцы» міграцыйнага крызісу, які плануецца Менскам.