«Агрэсіўныя мігранты выбілі шыбы і пачалі нішчыць агароджу»
27- 26.11.2021, 9:26
- 25,206
Сталі вядомыя падрабязнасці бунту ў польскім міграцыйным цэнтры.
У цэнтры для імігрантаў у Венджыне ў Любушскім ваяводстве Польшчы ў чацвер успыхнуў мяцеж.
Мігранты пачалі разбураць сістэму забеспячэння і агароджу цэнтра, паведамляе TVP.
«Група мужчын са 100 чалавек паводзіла сябе агрэсіўна ў цэнтры для імігрантаў у Венджыне. Сярод іншага, яны пачалі разбураць і знішчаць плот. Таксама яны выбілі шыбу ў цэнтры для мігрантаў», - паведаміла прэс-сакратар Памежнай службы Польшчы Ганна Міхальская.
Іншаземцы пачалі скандаваць «Свабоду!» і крычаць, што мэта іх падарожжа - Нямеччына. Як паведамляе паліцыя, на плошчу перад будынкам цэнтра вынеслі смеццевыя бакі і шафы.
У стан гатоўнасці былі прыведзеныя падраздзяленні паліцыі і памежнікаў з поўначы рэгіёну. Паводле інфармацыі, перададзенай Ганнай Міхальскай, у цэнтры для замежнікаў у Венджыне зараз пражывае блізу 600 чалавек.
«Гэта толькі мужчыны, з якіх 358 чалавек з'яўляюцца грамадзянамі Ірака», - сказала прэс-сакратарка Памежнай службы Польшчы.
Po próbie sforsowania ogrodzenia strzeżonego ośrodka w Wędrzynie, w którym znajduje się ponad 600 imigrantów, sytuacja została ustabilizowana. Nikomu z tych osób nie udało się oddalić. W działaniach wspomagających @Straz_Graniczna bierze udział już ponad 500 policjantów. pic.twitter.com/Rv9e3CwoTv
— Marcin Maludy 🇵🇱 💯 (@Marcin_Maludy) November 25, 2021
Sytuacja opanowana.
— Straż Graniczna (@Straz_Graniczna) November 25, 2021
Dziś cudzoziemcy umieszczeni w strzeżonymi ośrodku w Wędrzynie próbowali sforsować ogrodzenie. Osoby były agresywne.
W ośrodku znajduje się 600 mężczyzn- ponad połowa to obywatele Iraku.#funkcjonariuszeSG współdziałali z @PolskaPolicja 🤝#NaStraży pic.twitter.com/NXbopyuRIq
