Малады езід з Курдыстана: Беларускі жаўнер нічым не адрозніваецца ад ІДІЛ

Што расказалі аб перажытым у Беларусі мігранты, якія сёння ўночы вярнуліся ў Ірак.

Гэтай ноччу з Менска ў Ірак вярнуліся яшчэ 608 мігрантаў. Вярнуўшыся дадому ў аэрапорце яны распавялі Kurdistan24, што перажылі ў Беларусі, піша The Village Беларусь.

“Я вельмі радая, што вярнулася ў сваю краіну. Міласэрнасці там нідзе няма», - сказала курдская жанчына-мігрантка, у якой, як сцвярджаецца, зламаная рука і рэбры.

«За 12 дзён я, мая жонка і двое дзяцей з'елі ўсяго 3 боханы хлеба. Я нават не буду казаць пра збіццё, якое мы з'елі», - распавёў мужчына з Эрбіля.

«Беларускі жаўнер нічым не адрозніваецца ад ДАІШ (тое ж самае, што ІДІЛ, толькі па-арабску - The Village Беларусь). Няма такога збіцця і гвалту, які б мы не зазналі. Цяпер там ідзе снег, і некаторым мігрантам дагэтуль не дазваляюць вяртацца. Прайшоўшы 10 кіламетраў, я змог уцячы. Ён сказаў нам: «У вас няма ні вады, ні хлеба. Для вас толькі смерць».

Яшчэ адзін мігрант сказаў тэлеканалу: «"Я спадзяюся, што ніхто больш не будзе ашуканы хлуснёй кантрабандыстаў і не трапіцца ў іх пасткі».