У Расеі на заводзе боепрыпасаў адбылося некалькі выбухаў

Пацярпелі два чалавекі.

У горадзе Дзяржынск Ніжагародскай вобласці на заводзе імя Свярдлова для вытворчасці боепрыпасаў і выбуховых рэчываў адбыліся выбухі. Пра гэта паведамляе ТАСС са спасылкай на МНС.

Паводле папярэдняй інфармацыі, на заводзе спрацавала пажарная сігналізацыя, пасля чаго раздаліся некалькі выбухаў, заявілі ва ўстанове. Крыніца «Інтэрфакса» паведаміла, што выбухі адбыліся пасля пачатку пажару ў адным з цэхаў.

Два працоўных завода, паводле папярэдніх звестак, пацярпелі, паведамляе ТАСС са спасылкай на крыніцу. Паводле звестак «Інтэрфакса», іх шпіталізавалі.

У адміністрацыі Дзяржынску паведамілі, што пасля выбухаў на заводзе пачаўся пажар.