Беларускія сілавікі і нелегалы паранілі двух польскіх салдатаў падчас начной атакі
6- 27.11.2021, 12:25
- 13,568
Пры прарыве мяжы пад Белавежай беларускія вайскоўцы ўжывалі лазеры і страбаскоп.
Уначы група з больш як 100 агрэсіўных мігрантаў паспрабавала прарваць беларуска-польскую мяжу ў раёне Белавежы.
«Падчас атакі беларускія службы асляплялі польскіх афіцэраў і салдат лазерамі і страбаскопам. Два салдаты польскага войска атрымалі лёгкія раненні», – паведамілі ў Памежнай службе Польшчы.
Ponad 100-osobowa grupa cudzoziemców forsowała wczoraj granicę🇵🇱🇧🇾na odcinku ochranianym przez Placówkę SG w Białowieży.
— Straż Graniczna (@Straz_Graniczna) November 27, 2021
Podczas ataku,służby białoruskie oślepiały polskich funkcjonariuszy i żołnierzy laserami i stroboskopem.
Dwóch żołnierzy WP zostało niegroźnie poszkodowanych. pic.twitter.com/FVYDrmujj2
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць удзельнічаць да 10 тысячаў нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская выведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.
