Плынь нелегалаў у Літву з боку Беларусі моцна вырасла

Рэжым мяняе кірунак атакі?

Як паведамляе Службы аховы дзяржаўнай мяжы Літвы, у мінулы дзень, з поўначы суботы да поўначы нядзелі, памежнікі не прапусцілі 108 мігрантаў, якія спрабавалі прасякнуць ў Літву з боку Беларусі ў неўстаноўленых для гэтага месцах, паведамляе lrt.lt.

У пятніцу памежнікі не прапусцілі 45 мігрантаў, якія рухаліся з боку Беларусі, у чацвер - 29, у сераду - 55, у аўторак - 9, у панядзелак - 18, у мінулую нядзелю - 70.

Ніводзін замежнік не быў учора прапушчаны з гуманітарных меркаванняў.

З пачатку жніўня, калі памежнікі атрымалі права не прапускаць мігрантаў, якія спрабуюць прайсці ў неўстаноўленых месцах, супрацоўнікі службы развярнулі 7578 замежнікаў.

Літоўскія памежнікі і вайскоўцы, дадзеныя ім у дапамогу, у мінулы дзень не ўжывалі службовай зброі, не звярталіся да спецыяльных сродкаў або да захадаў фізічнага прымусу.

Памежны кантроль на літоўскім баку ажыццяўляецца ва ўзмоцненым рэжыме.

Вільня абвінавачвае менскі рэжым у арганізацыі міграцыйных плыняў і называе гэта гібрыднай агрэсіяй.

У Літве была абвешчаная экстрэмальная сітуацыя. А раз на беларуска-польскай мяжы засяродзілася вялікая колькасць мігрантаў, Сойм у прымежных мясцінах увёў на месяц яшчэ і надзвычайнае становішча.