Кітай можа сутыкнуцца з каласальнай успышкай COVID-19
3- 28.11.2021, 13:33
- 14,050
Даследаванне правялі матэматыкі з Пекінскага ўніверсітэта.
Паводле даследавання матэматыкаў Пекінскага ўніверсітэта, Кітай можа сутыкнуцца з больш як 630 тысячамі выпадкаў заражэння вірусам COVID-19 на дзень, калі ён адмовіцца ад палітыкі нецярпімасці і здыме абмежаванні на паездкі.
Аб гэтым піша JPost.
У справаздачы, апублікаванай у часопісе China CDC Weekly Кітайскім цэнтрам кантролю і прафілактыцы захворванняў, матэматыкі заявілі, што Кітай не можа дазволіць сабе скасаваць абмежаванні на паездкі без больш эфектыўнай вакцынацыі ці спецыфічнага лячэння.
Выкарыстоўваючы звесткі за жнівень з ЗША, Вялікабрытаніі, Гішпаніі, Францыі і Ізраіля, матэматыкі ацанілі патэнцыйныя вынікі, калі Кітай прыме тую ж тактыку барацьбы з пандэміяй, што і гэтыя краіны.
Штодзённая колькасць новых выпадкаў захворвання ў Кітаі дасягнула б сама меней 637 155, калі б ён прыняў стратэгію барацьбы з пандэміяй Злучаных Штатаў, гаворыцца ў дакладзе.
Штодзённыя выпадкі захворвання дасягнуць 275 793, калі Кітай прыме той жа падыход, што і Вялікабрытанія, і 454 198, калі ён будзе пераймаць Францыю, гаворыцца ў дакладзе.
"Ацэнкі паказалі рэальную магчымасць каласальнай ўспышкі, якая амаль напэўна прывядзе да непасільнага цяжару для медыцынскай сістэмы", – гаворыцца ў дакладзе.