Жаўнеры Жалезнай дывізіі паказалі, як рыхтуюцца да сустрэчы «гасцей» з беларускага боку мяжы
4- 28.11.2021, 14:50
- 8,560
Байцы нясуць вахту на ўсходніх рубяжах Польшчы.
Вайскоўцы з польскай 18-й механізаванай дывізіі (Жалезная дывізія), размешчанай каля ракі Буг у Люблінскім ваяводстве, паказалі, як рыхтуюцца да сустрэчы "гасцей" з беларускага боку мяжы.
“Служба на мяжы - гэта не толькі патрулі і заставы. Нашыя жаўнеры таксама знаходзяць час, каб паклапаціцца пра фізічную форму”, — напісала прэс-служба дывізіі ў “Твітэры”.
Służba na granicy to nie tylko patrole i posterunki. Nasi żołnierze znajdują też czas na to, aby zadbać o tężyznę fizyczną. Samo się nie zrobi! 💪🏻 #zGranicy pic.twitter.com/MqhDbp0fec
— 18 Dywizja Zmechanizowana (@Zelazna_Dywizja) November 28, 2021
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць удзельнічаць да 10 тысячаў нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская выведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.