У Чэхіі прайшла незвычайная цырымонія прызначэння новага прэм'ера

Фотафакт.

Прэм'ер-міністрам Чэхіі стаў лідар Грамадзянскай дэмакратычнай партыі Пётр Фіял. Прэзідэнт краіны Мілаш Зэман прызначыў яго на пасаду ў нядзелю, 28 лістапада, піша «Новое время».

Падчас мерапрыемства, якое праходзіла ў Ланскім замку, Зэмана і Фіяла падзяляла “празрыстая сцяна”, паколькі прэзідэнт Чэхіі хварэе на каранавірус. Ён сядзеў у інвалідным вазку ў ізаляваным месцы і размаўляў з Фіялам праз мікрафон і калонкі.

На цырымоніі таксама прысутнічалі кіраўнік канцылярыі прэзідэнта Ураціслаў Мінарж і дырэктар замкавага пратакола Уладзімір Круліш. Новы прэм'ер падзякаваў Зэману за прызначэнне і паабяцаў зрабіць усё, каб урад стаў "урадам будучыні" і прайшоў праз "цяперашнюю складаную сітуацыю".

“Я перакананы, што неўзабаве ў нас будзе моцны і стабільны ўрад”, - сказаў ён, дадаўшы, што верыць у добрае супрацоўніцтва з прэзідэнтам.

У панядзелак Зэман плануе пачаць серыю сустрэч з кандыдатамі на пасады міністраў і плануе закончыць іх да 13 снежня - пасля гэтага адбудзецца прызначэнне ўсяго ўрада.

Прызначэнне Пятра Фіялы прэм'ер-міністрам адбылося праз сем тыдняў пасля парламенцкіх выбараў у Чэхіі. 8 лістапада дзве кааліцыі – SPOLU і блок Пірацкая партыя і партыя мэраў Stan – аб'ядналіся і атрымалі 108 з 200 месцаў у ніжняй палаце парламента. 11 лістапада ўрад прэм'ера Андрэя Бабіша пайшоў у адстаўку.

Прэм'ерам Фіялу павінны былі прызначыць раней, аднак адразу пасля выбараў Мілаш Зэман трапіў у шпіатль, дзе прабыў больш за паўтара месяца. Спачатку яго выпісалі 25 лістапада, аднак у той жа дзень шпіталізавалі назад з каранавірусам. Другі раз чэшскага прэзідэнта выпісалі напярэдадні, 27 лістапада.

Што вядома пра Пятра Фіялу?

У 1988 годзе Фіала вывучаў чэшскую філалогію і гісторыю мастацтваў ва Універсітэце імя Яна Эвангеліста Пуркіне. Ён атрымаў ступень доктара філасофіі. Да пачатку палітычнай кар'еры працаваў гісторыкам у музеі, журналістам, выдаўцом і займаўся навукай. У 2004-2011 гадах быў рэктарам Універсітэта Масарыка, пазней - прарэктарам.

У 2011-м стаў дзяржаўным дарадцам у пытаннях адукацыі, а праз год далучыўся да ўрада Пятра Нячаса ў якасці міністра адукацыі, моладзі і спорту, але пакінуў пасаду ў 2013 годзе.

Тады ж Фіял далучыўся да Грамадзянскай дэмакратычнай партыі. Ад яе імя на парламенцкіх выбарах быў абраны чальцом Палаты дэпутатаў. У студзені 2014-га Фіял быў абраны кіраўніком ГДП. У 2017 і 2021 гадах паспяхова балатаваўся на паўторных выбарах у парламент.