У Саакашвілі дыягнаставалі посттраўматычны стрэсавы разлад

Экс-прэзідэнт Грузіі мае патрэбу ў стацыянарным лячэнні.

Кіраўніца арганізацыі «Эмпатыя» Марыям Джышкарыяні заявіла, што кансіліум лекараў, якія займаюцца маніторынгам лячэння экс-прэзідэнта Грузіі Міхаіла Саакашвілі, дыягнаставаў у яго посттраўматычны стрэсавы разлад. Пра гэта паведамляе ТАСС.

«З папярэдніх вынікаў, пра які мы можам ужо казаць, у пацыента пацвярджаецца сіндром посттраўматычнага стрэсавага разладу, што звязана са знаходжаннем у турме і фактамі гвалту. Назіраецца таксама і неўралагічная сімптаматыка. Вы ведаеце, што гаворка ідзе таксама аб энцэфалапатыі Верніка, што з'яўляецца вынікам галадоўкі», - расказала Джышкарыяні.

Яна падкрэсліла, што палітык мае патрэбу ў стацыянарным мультыдысцыплінарным рэабілітацыйным лячэнні.