У якіх выпадках працаўнік у Беларусі мае права на скарочаны працоўны дзень?
4- 29.11.2021, 10:55
- 10,654
Адказвае юрыст.
Жыхарка Баранавічаў Юлія цікавіцца, пры якіх абставінах яна можа працаваць у рэжыме няпоўнага працоўнага дня ці тыдня.
З гэтым пытаннем intex-press.by звярнуўся да адвакаткі Алены Байтус.
- Згодна з арт. 289 Працоўнага кодэкса Беларусі, няпоўны працоўны час устанаўліваецца на дамоўленасць паміж работнікам і наймальнікам як пры прыёме на працу, так і пасля (артыкул 118).
Наймальнік абавязаны ўстанаўліваць няпоўны працоўны дзень або няпоўны працоўны тыдзень:
– на просьбу цяжарнай жанчыны, жанчыны, якая мае дзіця ва ўзросце да 14 гадоў (у тым ліку якое знаходзіцца на яе апецы), работніка, які ажыццяўляе догляд хворага сямейніка ў адпаведнасці з медыцынскай даведкай аб стане здароўя;
- інвалідам у адпаведнасці з індывідуальнымі праграмамі рэабілітацыі інвалідаў;
– пры прыёме на працу на сумяшчальніцтва;
– іншым катэгорыям працаўнікоў прадугледжаным пагадненнем калектыўнай дамовы.
Умова аб рабоце з няпоўным працоўным часам уключаецца ў працоўную дамову пры прыёме работніка на працу. Пераход на няпоўны працоўны час у перыяд працоўнай дзейнасці афармляецца загадам (распараджэннем).