З’явілася відэа начнога штурму польскай мяжы
4- 29.11.2021, 11:23
- 14,946
92 мігранты спрабавалі незаконна трапіць у Польшчу.
Сёння ўначы ў наваколлях Мельніка група мігрантаў напала на мяжу Польшчы, паведамляе tvp.info. Атака адбывалася пад наглядам беларускіх службаў. Cілавікі рэжыму Лукашэнкі пашкодзілі агароджу з калючага дроту, каб зрабіць праход для мігрантаў. Мінабароны Польшчы паведамляе, што польскія спецслужбы затрымалі 33 мігранты, якія спрабавалі незаконна перасекчы мяжу. Таксама з'явіўся запіс начнога нападу, на якім бачна, як польскія жаўнеры чыняць пашкоджаныя агароджы.
Białoruskie służby niemal każdej nocy uszkadzają ogrodzenie na granicy, by umożliwić migrantom nielegalne przejście na polską stronę. Dziś do takiej próby doszło w Mielniku. Polskie służby zatrzymały 33 migrantów, którzy próbowali nielegalnie przekroczyć granicę. pic.twitter.com/emQkOM15rO
— Ministerstwo Obrony Narodowej 🇵🇱 (@MON_GOV_PL) November 29, 2021
Памежная служба Польшчы перадае, што ў нядзелю 28 лістапада польска-беларускую мяжу спрабавалі незаконна перасекчы 92 мігранты. Супрацоўнікі памежнай службы выдалі сем пастаноў пакінуць тэрыторыю Польшчы.
З пачатку года Памежная служба зафіксавала ўжо амаль 40 тысяч спроб незаконнага перасячэння польска-беларускай мяжы. Найбольшая колькасць (больш за 17 тысяч) спроб была зафіксавана ў кастрычніку.