Гендырэктар Twitter пакіне пасаду

Курс акцый кампаніі павысіўся больш як на 11%.

Кіраўнік кампаніі Twitter Джэк Дорсі сыдзе ў адстаўку з пасады генеральнага дырэктара кампаніі Twitter. Пра гэта паведаміла амерыканская тэлекампанія CNBC са спасылкай на ўласныя крыніцы.

Reuters са спасылкай на ўласную крыніцу пацвердзіў паведамленні аб падрыхтоўцы адстаўкі кіраўніка Twitter. Паводле звестак агенцтва, рада дырэктараў кампаніі рыхтавалася да адстаўкі з мінулага года і ўзгадніла з Дорсі кандыдатуру пераемніка.

Пра прычыны і тэрміны адстаўкі сузаснавальніка Twitter Дорсі не паведамляецца, таксама нічога не вядома аб тым, хто зменіць яго на гэтай пасадзе. Цяпер ён займае пасаду кіраўніка кампаніі і з'яўляецца гендырэктарам кампаніі Square, якая займаецца лічбавымі плацяжамі. У 2020 годзе мільярдэр, інвестар і заснавальнік кампаніі Elliott Management Пол Сінгер заявіў, што Дорсі не павінен кіраваць двума кампаніям і яму варта адысці ад кіраўніцтва адной з іх.

CNBC адзначае, што ў Twitter не адказалі на просьбу пракаментаваць паведамленні аб адстаўцы Дорсі.

Пасля публікацыі паведамлення аб адстаўцы Дорсі курс акцый кампаніі павысіўся больш чым на 11%.