20 студзеня 2022, Чацвер, 14:39
Сім сім, Хартыя 97!
Рубрыкі

Мужчына таемна прабраўся на шасі самалёта і даляцеў да іншай краіны

3
Мужчына таемна прабраўся на шасі самалёта і даляцеў да іншай краіны

Ён здзейсніў пералёт з Гватэмалы ў ЗША.

26-гадовы мужчына здзейсніў пералёт з Гватэмалы ў Маямі, схаваўшыся ў адсеку шасі самалёта Boeing 737-800, і выжыў. Падрабязнасці інцыдэнту публікуе The New York Times.

Інцыдэнт здарыўся ў суботу, 27 лістапада, на рэйсе авіякампаніі American Airlines. Жыхар Гватэмалы, імя якога не раскрываецца, таемна прабраўся на ўзлётна-пасадачную паласу і падчас падрыхтоўкі лайнера да вылету схаваўся ў адсеку для шасі. Удакладняецца, што борт знаходзіўся ў паветры блізу трох гадзін.

Са слоў прадстаўніка перавозчыка Альфрэда Гардуньё, як толькі самалёт прызямліўся, супрацоўнікі мытна-памежнай службы ЗША затрымалі правапарушальніка. Пазней мужчыну даставілі ў шпіталь для медагляду. Са слоў відавочцаў, ён быў цэлы, нягледзячы на тое, што даляцеў да іншай краіны такім небяспечным спосабам. Цяпер ідзе расследаванне ўсіх абставін здарэння.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».