22 студзеня 2022, Субота, 18:30
Сім сім, Хартыя 97!
Рубрыкі

У Магілёве чыноўнік-карупцыянер стаў намеснікам кіраўніка адміністрацыі раёна

18
У Магілёве чыноўнік-карупцыянер стаў намеснікам кіраўніка адміністрацыі раёна

Карупцыянер Дуплеўскі курыруе пытанні ідэалагічнай і інфармацыйнай працы.

У адным з райвыканкамаў Магілёва намеснікам у сацыяльных пытаннях прызначылі былога начальніка ўпраўлення адукацыі горада, на якога ў 2014 годзе распачалі крымінальную справу. Чыноўніка злавілі на крадзяжы шляхам злоўжывання службовымі паўнамоцтвамі, праўда, тады Лукашэнка яго памілаваў. Пра гэта паведамляе Telegram-канал праваабарончай валанцёрскай групы MAYDAY.

У лютым 2014 года абласная пракуратура паведаміла аб распачынанні крымінальнай справы паводле артыкула 210 КК (Крадзеж шляхам злоўжывання службовымі паўнамоцтвамі) у дачыненні да на той момант начальніка ўпраўлення адукацыі Магілёўскага гарвыканкама Яўгена Дуплеўскага. Чыноўніку пагражала да сямі гадоў пазбаўлення волі.

Следства ўстанавіла, што Дуплеўскі на працягу чатырох гадоў (у 2010—2013 гадах) афармляўся ў школу на працу па сумяшчальніцтве настаўнікам факультатыўных заняткаў, але ніякіх заняткаў не праводзіў. У школе афармлялася фіктыўная службовая дакументацыя, па якой ён атрымліваў заробак, з яго адлічваліся падаткі.

Дуплеўскі прызнаў віну ў крадзяжах і падаў Лукашэнку прашэнне аб памілаванні, якое было задаволена пасля выплаты ім сумы шкоды.

А ў лютым 2017 года Дуплеўскага планавалі прызначыць дырэктарам гімназіі №3 Магілёва. Але бацькі навучэнцаў пачалі хадзіць па інстанцыях і патрабаваць тлумачэнняў. У выніку мужчына ўзначаліў іншую ўстанову сярэдняй адукацыі - гімназію №4.

І вось зараз фота Яўгена Дуплеўскага размешчанае на сайце адміністрацыі Ленінскага раёна абласнога цэнтра ў рубрыцы «Кіраўніцтва» - ён курыруе пытанні ідэалагічнай і інфармацыйнай працы.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».