Польшча закрыла прымежную зону з Беларуссю
8- 1.12.2021, 8:13
- 37,090
Абмежаванні ўведзеныя на тры месяцы.
Учора ўвечары прэзідэнт Польшчы Анджэй Дуда падпісаў папраўкі да закона аб ахове ўсходняй мяжы.
Былі падпісаныя тры пастановы, галоўная з іх: аб увядзенні часовай забароны на знаходжанне старонніх на пэўнай тэрыторыі ў памежнай зоне, паведамляе міністр унутраных спраў Польшчы Марыюш Камінскі. Забарона ўводзіцца на тры месяцы.
Забарона ахоплівае 183 населеныя пункты, размешчаныя на мяжы з Беларуссю на адлегласці блізу 3 км ад яе. Тэрмін дзеяння распараджэння - з 1 снежня гэтага года да 1 сакавіка 2022 года.
Od jutra zaczną obowiązywać trzy rozporządzenia związane z ochroną wschodniej granicy 🇵🇱. Najważniejsze z nich dotyczy zakazu przebywania na obszarze, na którym dotychczas obowiązywał stan wyjątkowy. Przepisy wprowadzamy na trzy miesiące.
— Mariusz Kamiński (@Kaminski_M_) November 30, 2021
Забарона не тычыцца мясцовых жыхароў названых тэрыторый, а таксама тых, хто працуе ў гэтай зоне, займаецца развязаннем адміністрацыйных пытанняў або ўдзельнічае ў набажэнствах, брыгад хуткай дапамогі і іншых экстранных службаў экстранай дапамогі, дзяжурных афіцэраў і жаўненраў.
Згодна з распараджэннямі, апублікаванымі на сайце сходу законаў Польшчы, на гэтай тэрыторыі таксама забараняецца нашэнне ўсіх тыпаў зброі.
W związku z wejściem w życie ustawy o ochronie granicy państwowej rozpoczął się proces wymiany tablic informacyjnych rozmieszczonych wzdłuż pasa granicznego. W województwie podlaskim działania te są realizowane z udziałem strażaków OSP i PSP. pic.twitter.com/4mDjpjPSbU
— KWPSP_Białystok (@Kwpsp_Bialystok) December 1, 2021
Асобным дакументам пашыраецца спіс спецыяльных сродкаў, якія стаяць на ўзбраенні Памежнай варты Польшчы: да электрашокераў, слёзатачывых гранатаў і іншых сродкаў дастаўкі рэчываў, якія выводзяць са строю, дабаўляюцца ранцавыя інструменты.
На пэўны перыяд часу і на пэўных умовах камандзір памежнай службай зможа дазволіць іншым людзям, сярод іншага журналістам, знаходзіцца на ўказанай тэрыторыі.
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.