СМІ: Алігарх Ахметаў шукае новага кандыдата на пасаду прэзідэнта Украіны

Журналісты назвалі магчымых прэтэндэнтаў.

Самы багаты чалавек Украіны Рынат Ахметаў мог выкарыстоўваць дзень нараджэння вядучага Савіка Шустэра для таго, каб правесці перамовы з патэнцыйнымі кандыдатамі ў прэзідэнты, якія будуць супрацьстаяць Уладзіміру Зяленскаму.

Журналісты праграмы "Украінскай праўды" высветлілі, што прыватны самалёт алігарха 21 лістапада вылецеў з аэрапорта Барыспаль у Парыж, а пазней адправіўся ў Вільню, дзе адзначаў дзень нараджэння Савік Шустэр.

На відэа таксама паказаны кадры самога дня нараджэння, дзе прысутнічалі многія вядомыя ва Украіне людзі, якія маюць дачыненне да палітыкі. На дні нараджэння Шустэра былі журналіст Дзмітрый Гордан, лекар Яўген Камароўскі, былы прэм'ер-міністр Уладзімір Гройсман і экс-кіраўнік МУС Арсен Авакаў.

Таксама, паводле звестак журналістаў, на дні нараджэння Шустэра мог прысутнічаць брат мэра Кіева і баксёр Уладзімір Клічко. Аднак гэтую інфармацыю не пракаментавалі госці Савіка Шустэра і сам вядоўца.

У сюжэце нагадваецца аб тым, як украінскія алігархі выкарыстоўвалі таемныя сустрэчы за мяжой, дзе «далей ад старонніх вачэй» складаліся палітычныя дамоўленасці.

Вялікая ўвага нададзеная сустрэчы ў 2014 годзе ў Вене алігарха Дзмітрыя Фірташа і палітыкаў Віталя Клічко і Пятра Парашэнкі. Пасля гэтага, Клічко, які меў самы высокі рэйтынг сярод кандыдатаў у прэзідэнты, зняў сваю кандыдатуру, заклікаўшы падтрымаць Парашэнку.