Нікому не шкада Базанава
13- 1.12.2021, 11:25
- 18,074
Затрыманне боса белфутбола ў Чэхіі спарадзіла шалёную весялосць.
Затрыманне кіраўніка Беларускай федэрацыі футбола Уладзіміра Базанава і ягонай жонкі ў Чэхіі, куды яны прыбылі разам з жаночай камандай Беларусі на матч супраць мясцовай каманды, - самая гучная навіна аўторка ў беларускім спорце. Пару ці то западозрылі ў парушэнні мер аховы, ці то ў адсутнасці ўязной візы - як бы там ні было, еўрапейскі ваяж для экс-дэпутата, заўзятага прыхільніка Лукашэнкі, безнадзейна сапсаваны.
Навіна аб затрыманні галоўнага футбольнага функцыянера Беларусі з першых жа хвілін пачала набіраць мноства каментароў. У суполках «Трыбуны» (і не толькі ў іх) успрынялі вестку станоўча.
Таварыш падпалкоўніку ніхто не спачуваў. Спачуванне выказваліся толькі наконт таго, што апынуўся ён не на Акрэсціна. Сапраўды, крыважэрна.
Вось яшчэ адна фантазія ў тэму.
Следам падаспелі каментары ад публічных персон. Палітолаг Зміцер Балкунец выступіў з прапановай абмяняць Базанава на 100 палітвязняў з беларускіх турмаў.
Гэта ідэя знайшла сваіх паслядоўнікаў.
Контрмеры ад гумарыстычнага пабліка "Советская Белоруссия".
Гімнаст Сямён Букін заклікаў чэшскія ўлады не спяшацца вяртаць Базанава на Радзіму і спачатку праверыць яго на дачыненне да парушэнняў, учыненых у Беларусі. Ну так, дома экс-дэпутата ніхто караць не стане.
Выканаўчы дырэктар Беларускага фонду спартыўнай салідарнасці Аляксандр Апейкін паведаміў, што яшчэ ў пятніцу арганізацыя экстранна апавясціла ўсе чэшскія медыі і прадстаўнікоў грамадзянскай супольнасці аб тым, што Базанаў сабраўся на іх тэрыторыю.
У каментарах пачалі жартаваць на тэму таго, што палкоўнік прыехаў па новенькую Шкоду (адсылка да санкцый).
І яшчэ пра Шкоду.
Нехта бачыць за тым, што здарылася, халодны разлік.
Чэшскія лялькаводы перайшлі да дзеянняў!
Здаецца, 64-ты дзень нараджэння, адзначаны Базанавым напярэдадні, запомніцца яму надоўга.
Цікава, на чэшскім дзяржаўныя ТВ ужо круцяць ролікі з выбачэннямі?
Нетленный мем.
Здаецца, у адной з дзяржаўных арганізацый з’явілася праца. У Беларусі вось бараніць няма каго.
А што АБФФ? Там маўчаць - відаць, няма магчымасці ўзгадніць каментар.