На месцы абстрэлу знойдзеная карцеч: новыя падрабязнасці пра напад беларускіх сілавікоў на Тэрэспаль
5- 1.12.2021, 12:07
- 16,724
Польскія спецслужбы падзяліліся інфармацыяй.
Беларускія сілавікі абстралялі асвятляльныя мачты, устаноўленыя польскімі вайскоўцамі на мяжы ў раёне Тэрэспаля.
Прэс-сакратар міністра-каардынатара спецслужбаў Польшчы Станіслаў Жарын распавёў пра новыя падрабязнасці нападу:
«Мы маем справу з ужываннем пнеўматычнай зброі беларускімі спецслужбамі. На месцы здарэння была знойдзеная карцеч. Пражэктары былі знішчаны. Стралялі з тэрыторыі Беларусі», - паведаміў Станіслаў Жарын.
Służby białoruskie ostrzelały lampy ustawione przez #WojskoPolskie na naszej granicy.
— Stanisław Żaryn (@StZaryn) December 1, 2021
Mieliśmy do czynienia z wykorzystaniem broni pneumatycznej przez funkcjonariuszy białoruskich. Na miejscu zdarzenia znaleziono śrut. Reflektory zostały zniszczone. Strzelano z terenu Białorusi. https://t.co/ZewvnSvrUI
Мінабароны Польшчы выклікала вайсковага аташэ Беларусі «на дыван» праз правакацыю з абстрэлам асвятляльных мачтаў, што адбылася ў раёне Тэрэспаля.
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.
