Час Пуціна прайшоў

Палітолаг расказаў пра адзіны сцэнар з пераемнікам для кіраўніка Крамля.

Прэзідэнт Расеі Уладзімір Пуцін заявіў, што пакуль не вызначыў, ці будзе балатавацца на новы прэзідэнцкі тэрмін у 2024 годзе, а таксама адзначыў, што сама наяўнасць у яго права на перавыбранне стабілізуе сітуацыю ў краіне. Заяву кіраўніка дзяржавы журналісты «Дождя» абмеркавалі з палітолагам Абасам Галямавым.

На думку Абаса Галямава, прэзідэнт пойдзе на перавыбранне з імавернасцю 51%. «Калі ён пойдзе, то да апошняга моманту будзе фактар нявызначанасці, а потым будуць адлюстроўваць энтузіязм мас з гэтай нагоды. Аднак адлюстроўваць пазітыўныя рэакцыі, калі ў цябе рэйтынг зраўняецца з антырэйтынгам - гэта зусім дрэнна, а ўсё ідзе ў нас у той бок. Відавочна, што сімпатыі насельніцтва да ўладаў падаюць, і ў гэтым сэнсе электаральныя далягляды Уладзіміра Уладзіміравіча не бліскучыя, і менавіта таму я закладваю, што ён абярэ пераемніка. Калі наважыць

абірацца сам, ніхто яму не зможа гарантаваць, што ў 2024 годзе не адбудзецца нечага такога, што мы бачылі летась у Беларусі, і для Пуціна гэта не самы прыемны сцэнар», - сказаў палітолаг.

Таксама, на думку палітолага, прэзідэнт можа павялічыць сваю папулярнасць толькі вылучэннем пераемніка. «Ніякае далучэнне Беларусі, Данбаса не прывядзе да ўсенароднага ўсплёску ўсенароднага кахання і абнулення ўсіх прэтэнзій. ⟨...⟩ Людзям трэба рэальна даваць тое, што яны хочуць, а людзі хочуць перамен і зменаў аўтарытарнай сістэмы на больш дэмакратычную. Ягоны [Уладзіміра Пуціна] час прайшоў, запыт эпохі іншы, трэба гэта прызнаць і рыхтаваць свой выхад з палітыкі найбольш аптымальным спосабам, а гэта вылучэнне пераемніка», - выказаў меркаванне Галямаў.