Сілавікі-шахматысты і чэмпіянат 2020 года

Якое званне ці разрад у спадара Сычука?

Мілітарысцкія тэндэнцыі ў дзяржкіраванні дабраліся і да шахмат: новым старшынём Беларускай федэрацыі шахмат прызначаны начальнік аддзела кадраў кампаніі "Белавія" Сяргей Сычук. Калісьці ён узначальваў другі аддзел управы асабістай аховы службы бяспекі Лукашэнкі, і яго ўказам яшчэ ў 2005 годзе быў удастоены звання палкоўніка.

Выдатны выбар, усяго пара-тройка пытанняў:

– Якое шахматнае званне ці разрад у спадара Сычука?

- Ці сочыць спадар Сычук за праходжаннем у гэтыя дні чэмпіянатам міру ў шахматах і як ацэньвае ладзейны эндшпіль у другой гульні Карлсана і Няпомняшчага?

Цікавы факт: апошні шахматны турнір, у якім браў удзел спадар Сычук, адбыўся ў жніўні 2020 года і называўся "выбары прэзідэнта Беларусь".

Там ён узначальваў адну з адабраных адміністрацыяй Цэнтральнага раёна Менска каманд, а менавіта выбарчую камісію №33 (размяшчалася ў гімназіі №50).

Амаль усе сябры камісіі, хоць "паводле папераў" ішлі ад усялякіх праўладных грамадскіх арганізацый і партый, былі супрацоўнікамі кампаніі "Белавія". Ну а Сычук, нагадаем, кіраўнік аддзела кадраў "Белавія". Ужо цікава, ці не так?

Назіральнікі зафіксавалі на ўчастку тузін парушэнняў, у тым ліку завышаны датэрміновы прыход. Паводле інфармацыі назіральнікаў, сцюардэсы і іншыя прадстаўнікі каманды Сычука, гэта значыць, члены выбаркама №33, паспяшаліся паляцець у невядомым кірунку ў суправаджэнні АМАПа, пазбягаючы абвяшчэння вынікаў выбараў па ўчастку.

Аднак, настойлівым назіральнікам удалося ўсё ж дастаць і сфатаграфаваць афіцыйны пратакол. З яго, Лукашэнка займеў 462 галасы з 690.

А цяпер увага: гэтая камбінацыя лічбаў не простая, а магічная - на мностве сталічных участкаў у парушэнне ўсякіх законаў тэорыі верагоднасці Лукашэнка "набраў" роўненька дзве трэціх галасоў (66%-67%).

690*0,67 = 462,3

Шахматная дакладнасць!

Telegram-канал "Міфалогія Беларусі"