Двух нелегалаў, якія трапілі ў ЕЗ з Беларусі, знайшлі пад прычэпам грузавіка ў Хельсінкі

Грузавік прыбыў на пароме з Таліна.

Памежны кантроль у порце Хельсінкі знайшоў пад прычэпам грузавіка двух іракцаў, паведамляе памежная ўстанова Фінляндыі.

Грузавік прыбыў на пароме з Таліна. У мужчын не было дакументаў для ўезду ў краіну, яны не атрымалі траўмаў, але моцна змерзлі. Мяркуецца, што яны маглі патрапіць у Фінляндыю з Беларусі. Праводзіцца расследаванне.

Паводле слоў прадстаўніка памежнай службы Юха Сіланпяя, раней такіх выпадкаў у Фінляндыі не выяўлялася.