СМІ: На афгана-іранскай мяжы ідуць баі паміж талібамі і памежнікамі Ірана
15- 1.12.2021, 17:41
- 22,130
Абодва бакі актыўна ўжываюць артылерыю.
Цяпер радыкалы сцягваюць да мяжы бронетэхніку, у тым ліку тую, якая была пакінутая на афганскай тэрыторыі ВС ЗША.
Буйныя сутыкненні з ужываннем цяжкіх узбраенняў успыхнулі ў сераду на мяжы Ірана і Афганістана паміж іранскімі памежнікамі і баевікамі радыкальнага руху «Талібан». Аб гэтым паведамляе ТАСС са спасылкай на афганскае агенцтва Aamaj News.
Паводле яго інфармацыі, інтэнсіўныя ўзброеныя сутыкненні ідуць у павеце Канг правінцыі Німроз на поўначы Афганістана. Прадстаўнікі талібаў просяць мясцовых жыхароў пакінуць свае дамы.
Цяпер радыкалы сцягваюць да мяжы бронетэхніку, у тым ліку тую, якая была пакінутая на афганскай тэрыторыі ВС ЗША. Апроч гэтага, абодва бакі актыўна ўжываюць артылерыю.
Аб прычынах канфлікту не паведамляецца.