20 студзеня 2022, Чацвер, 13:28
Сім сім, Хартыя 97!
Рубрыкі

Блінкен прыстрашыў Расею санкцыямі, якіх не выкарыстоўвалі раней

8
Блінкен прыстрашыў Расею санкцыямі, якіх не выкарыстоўвалі раней

Вашынгтон заклікаў Расею адвесці свае войскі ад украінскай мяжы.

У выпадку агрэсіі Расеі супраць Украіны Злучаныя Штаты выкарыстаюць такія дзейсныя санкцыі, ад выкарыстання якіх яны ўстрымліваліся раней. Пра гэта заявіў дзяржаўны сакратар ЗША Энтані Блінкен пасля сустрэчы кіраўнікоў МЗС краін NАТО ў Рызе.

«Калі Расея пойдзе шляхам канфрантацыі ў дачыненнях з Украінай, мы ясна далі зразумець, што адкажам рашуча, уключаючы шэраг эканамічных мер з высокім узроўнем уздзеяння, ад якіх мы ўстрымліваліся раней», - цытуе Reuters дзяржсакратара ЗША.

Вашынгтон заклікаў Расею адвесці свае войскі ад украінскай мяжы. «Мы не ведаем, ці прыняў прэзідэнт [Уладзімір] Пуцін пастанову аб уварванні. Мы ведаем, што ён стварае патэнцыял для таго, каб зрабіць гэта ў кароткія тэрміны, калі ён надумае», - працягнуў Блінкен.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».