25 студзеня 2022, aўторак, 20:54
Сім сім, Хартыя 97!
Рубрыкі

Кіраўнік МЗС Літвы: У ЕЗ ёсць інструменты для разгляду новых пакетаў санкцый

2
Кіраўнік МЗС Літвы: У ЕЗ ёсць інструменты для разгляду новых пакетаў санкцый
ГАБРЫЭЛЮС ЛАНДСБЕРГІС

Ціск на Лукашэнку працягнецца.

У сувязі з уступленнем у дзеянне ў чацвер новага пакета санкцый у дачыненні да рэжыму Лукашэнкі, уведзеных за парушэнні правоў чалавека і падбухторванне да «кантрабанды мігрантамі» і якія закранулі некаторых урадавых дзеячаў і юрыдычных асоб, міністр замежных спраў Літвы Габрыэлюс Ландсбергіс заявіў, што пакет санкцый ЕЗ сведчыць пра тое, што Еўразвяз не будзе цярпіма ставіцца да дзеянняў рэжыму, піша delfi.lt.

«Гэты пакет санкцый сведчыць аб тым, што ЕЗ застаецца адзіным і не пацярпіць цынічных і жорсткіх дзеянняў рэжыму Лукашэнкі як супраць народа Беларусі, так і супраць уразлівых мігрантаў з далёкіх краін. Калі менскі рэжым працягне свае незаконныя дзеянні, у ЕЗ таксама ёсць інструменты для разгляду «новых пакетаў санкцый», - цытуюцца словы Ландсбергіса ў паведамленні Міністэрства замежных спраў.

Еўрапейскі Звяз заявіў у чацвер, што наклаў санкцыі на 28 фізічных і юрыдычных асоб (17 фізічных і 11 кампаній), якія садзейнічалі арганізацыі нелегальнай міграцыі ў мэтах палітычнага ціску і рэпрэсій супраць народа Беларусі.

Сярод асоб, якія трапілі пад санкцыі, - пракуроры і суддзі беларускага рэжыму, камандуючыя памежнымі падраздзяленнямі на межах з трэцімі краінамі, а таксама беларуская авіякампанія «Белавія», гатэль «Планета», турыстычнае агенцтва «Цэнтркурорт» і іншыя.

Дзяржавы-сябры раней прынялі рашэнне аб пашырэнні ранейшых санкцый у дачыненні да Беларусі, а ў сераду кіраўнікі дыпламатыі Супольнасці зацвердзілі спіс, складзены Еўракамісіяй.

Санкцыі ЕЗ набылі моц у чацвер, калі яны былі апублікаваныя ў Афіцыйным часопісе супольнасці.

Брусэль абвінавачвае рэжым Аляксандра Лукашэнкі ў правядзенні «гібрыднай» атакі супраць блока, шляхам заваблівання тысяч мігрантаў з Блізкага Усходу і накіравання іх да межаў Польшчы, Латвіі і Літвы.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».