Да $57 тысяч: як выглядаюць і колькі каштуюць самыя танныя трохпакаёўкі на продаж у Менску

Варыянты для тых, у каго бюджэт абмежаваны, але ёсць натхненне рабіць рамонт.

Журналісты realt.by зрабілі агляд самых танных трохпакаёвых кватэр. Яны размешчаны ў розных раёнах сталіцы і кошт іх не перавышае 57 тысяч даляраў.

На вул. Кашавога (Трактарны завод)

Трохпакаёвая кватэра плошчай 57 «квадратаў» прадаецца ў доме на вуліцы Кашавога, 24 на трэцім паверсе. Дом пяціпавярховы, цагляны, пабудаваны ў 1963 годзе. У 2004 годзе праведзены капітальны рамонт.

Жылая плошча кватэры складае 42 м², кухні - 6 м². Адзін з пакояў прахадны. Санвузел сумешчаны. Ёсць балкон. Вокны выходзяць на два бакі. Таксама за кватэрай замацаваны склеп.

Падлогавае пакрыццё - паркет, вокны драўляныя. Устаноўленыя металічныя ўваходныя дзверы, лічыльнікі вады.

Каля дома прыпынкі грамадскага транспарту. Да станцыі метро «Трактарны завод» блізу 10 хвілін пешшу. У крокавай даступнасці дзіцячыя сады, школа, паліклініка, аптэкі, крамы, парк з ракой.

Кошт: $54 600.

На вул. Адоеўскага (м. Пушкінская)

У доме на вуліцы Адоеўскага, 67 прадаецца трохпакаёвая кватэра плошчай 56,5 м² (жылая - 42 м², кухня - 6 м²). Размешчаная на трэцім паверсе панэльнага пяціпавярховага дома. Дом пабудаваны ў 1965 годзе. У 2020 годзе праведзены капрамонт з заменай камунікацый.

- Кватэра падрыхтаваная да вашага рамонту. Новыя, толькі што ўсталяваныя шклопакеты, уваходныя металічныя дзверы, новая газавая пліта і ўнітаз (з гарантыяй, у пакаванні вытворцы), - піша аўтар абвесткі.

Санвузел сумешчаны. Ёсць балкон. На падлозе выканана бетонная сцяжка. Таксама ёсць лічыльнікі вады.

Дом размешчаны ў ціхім дагледжаным зялёным двары. Да станцыі метро «Пушкінская» 10-15 хвілін пешшу. Таксама паблізу прыпынак грамадскага транспарту. У раёне дзіцячыя садкі, школы, дзіцячая і дарослая паліклінікі, крамы, сквер.

Кошт: $54 900.

На вул. Ангарская (м. Магілёўская)

Трохпакаёўка прадаецца на чацвёртым паверсе ў доме на вуліцы Ангарская, 20/4. Дом панэльны, пяціпавярховы, пабудаваны ў 1966 годзе. Капітальны рамонт праведзены ў 2018-м з заменай сантэхнікі, вокнаў, уцяпленнем фасада.

Агульная плошча - 50 квадратных метраў (жылая - 34, кухня - 6). Вокны выходзяць у двор і на школу. Адзін з пакояў прахадны, санвузел паасобны.

Падлогавае пакрыццё - лінолеум, у санвузле новая плітка. Усюды ўсталяваныя шклопакеты. У адным з пакояў - нацяжная столь.

У раёне развітая транспартная камунікацыя і інфраструктура. У пешай даступнасці станцыя метро «Магілёўская» і прыпынкі грамадскага транспарту. Побач дзіцячыя садкі, школы, пошта, крамы, банкі, аптэкі, гандлёвы цэнтр.

Кошт: $53 700.

На вул. Сярова (Лошыца)

Трохпакаёвая кватэра плошчай 52 м² (жылая - 36 м², кухня - 6 м²) прадаецца ў доме на вуліцы Сярова, 33. Яна размешчаная на чацвёртым паверсе пяціпавярховіка з сілікатных блокаў, пабудаванага ў 1967 годзе.

Пры капітальным рамонце дома заменены сантэхнічныя камунікацыі, падключаны прыборы ўліку, уцеплены фасад.

Адзін з пакояў прахадны з балконам. Санвузел паасобны. Падлогі і вокны драўляныя. За кватэрай замацавана падвальнае памяшканне.

Каля дома дзіцячыя сады, школы, паліклініка, крамы, прыпынкі грамадскага транспарту. У трох хвілінах хадзьбы чыгуначная станцыя «Лошыца».

Кошт: $50 000.

На вул. Народная (пл. Ванеева)

У доме на вуліцы Народная, 5 прадаецца трохпакаёвая кватэра плошчай 50 «квадратаў» (жылая - 34, кухня - 6). Панэльны пяціпавярховік пабудаваны ў 1967 годзе. Кватэра на пятым паверсе. Дом пасля капрамонту.

Адзін пакой у кватэры прахадны. Санвузел паасобны. Ёсць балкон. Падлогі драўляныя, устаноўлены шклопакеты.

У крокавай даступнасці крамы, школа, дзіцячыя садкі, аптэкі, кавярні. Побач вялікая лесапаркавая зона, стадыён. Прыпынак грамадскага транспарту за 200 метраў ад дома. Да станцыі метро «Партызанская» два прыпынкі на грамадскім транспарце.

Кошт: $53 900.

На вул. Каліноўскага (Усход)

Трохпакаёвая кватэра прадаецца ў доме на вуліцы Каліноўскага, 28. Яе плошча складае 49,5 квадратных метраў (жылая - 34, кухня - 6). Кватэра на першым высокім паверсе. Дом панэльны, пяціпавярховы, пабудаваны ў 1968 годзе.

У кватэры адзін з пакояў прахадны. Санвузел паасобны. Падлогі і вокны драўляныя. Устаноўленыя лічыльнікі вады. Ёсць мэбля і ўбудаваныя шафы. Таксама замацаваны склеп.

Станцыя метро «Усход» знаходзіцца за 15 хвілінах хады. Таксама добра развіты наземны транспарт. Уся неабходная інфраструктура ў крокавай даступнасці - гандлёвы цэнтр, розныя кавярні, аптэкі, аддзяленні банка, школы, дзіцячыя сады, паркі і скверы.

Кошт: $56 000.

На вул. Лермантава (Грушаўка)

Трохпакаёвая кватэра прадаецца на другім паверсе чатырохпавярховага дома на вуліцы Лермантава, 43. Плошча кватэры 55 м² (жылая - 41 м², кухня - 6 м²). Дом пабудаваны ў 1963 годзе.

У кватэры ўстаноўлены металічныя ўваходныя дзверы, лічыльнікі вады. Падлогавае пакрыццё - паркет. Вокны драўляныя. Санвузел сумешчаны.

У 10 хвілінах хады станцыя метро «Грушаўка». Каля дома дзіцячыя садкі, школа, бальніца, скверы, аддзяленне банка, крамы.

Кошт: $57 000.