Уладзіслаў Іназемцаў: Беларуская рэвалюцыя абсалютна непазбежная

Найважнейшы трыгер ужо пачаў дзейнічаць.

Удзельнік Форума свабоднай Расеі, доктар эканамічных навук Уладзіслаў Іназемцаў распавёў «Радио Свобода», чаму ўважае падзенне рэжыму Лукашэнкі ў Беларусі за непазбежнае:

— На форуме (Форум свабоднай Расеі ў Вільні — рэд.) быў цудоўны выступ Наталлі Радзінай, галоўнай рэдактаркі партала «Хартыя-97», якая вельмі крытычна апісвала сітуацыю ў Беларусі. За апошні год я знаёмы з дзвюма тэндэнцыямі Беларусі, я там быў сёлета чатыры разы, было з аднаго боку сапраўды поўнае абурэнне Лукашэнкам, якое склалася ў грамадстве, няхай яно не вельмі актыўнае, а вельмі глухое, але яно практычна татальнае. З іншага боку каласальны рост антырасейскіх настрояў. Гэта значыць, такога не было ніколі на маёй памяці.

Недавер - гэта самы мяккі тэрмін, які можна апісаць у дачыненні да Расейскай Федэрацыі на сёння ў самых розных колах беларускага грамадства. Таму я згодны з тым, што інтэграцыя Беларусі, менавіта як чыста цалкам палітычная інтэграцыя, стала сёння значна менш магчымай, чым яна была, напрыклад, мінулай восенню. Калі б Пуцін паспрабаваў інтэграваць Беларусь праз пераварот супраць Лукашэнкі, то бок, падтрымаць, умоўна кажучы, палітычную хвалю ў Беларусі, зрынуць Лукашэнку, паставіць таго ж Бабарыку, інтэграваць у Расею Беларусь, гэта было б успрынятае як выратаванне ад горшай дыктатуры, чым пуцінская. Але сёння, я баюся, што інтэграваць Беларусь не атрымаецца ні пры якіх абставінах.

Я акурат учора напісаў артыкул пра беларускія санкцыі, дзе выказаў даволі дзіўную думку паводле заходніх мерак, што акурат падштурхоўванне Беларусі ў рукі Пуціна - гэта цалкам разумны крок з пункту гледжання ўвядзення санкцый. Як магніты, якія адштурхваюцца пры набліжэнні, чым больш будзеце штурхаць у рукі Пуціна, тым большым будзе абурэнне ўсяго насельніцтва Лукашэнкам, і Расеяй. Таму, я думаю, пастанова Лукашэнкі прадаць беларускі суверэнітэт Крамлю - гэта найважнейшы трыгер будучай беларускай рэвалюцыі, якая абсалютна непазбежная.